منتدى أطباء الإمتياز

منتدى طبى لأطباء الإمتياز المصريين و العرب
 
الرئيسيةالرئيسية  البوابةالبوابة  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 كيف تختار التخصص

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mezo
Admin
avatar

المساهمات : 35
تاريخ التسجيل : 09/10/2008

مُساهمةموضوع: كيف تختار التخصص   الإثنين أكتوبر 13, 2008 4:06 pm

بسم الله الرحمن الرحيم
اللهم صلي علي محمد و علي آل محمد

هتلاقي كتير متلخبط مش عارف يعمل إيه و ما هو التخصص الذي يناسبه
و القليل اللي عارف هو عايز إيه
وخصوصا فى فترة الامتياز
و طول هذه المدة و هذا السؤال يشغل بالي ما هو التخصص اللي يناسبك
في كليات الطب في مصر عشان تجاوب علي السؤال ده لازم
نرجع و نشوف نظرة علي الواقع فالاختيار مش بس إيه اللي يناسبك لأ في عوامل كثيرة تتدخل في هذا الاختيار

- ترتيبك علي الدفعة و ده طبعا مهم جدا عشان ساعتها ليك فرصة تاخد نيابة في الجامعة و علي حسب موقعك من الإعراب قصدي ترتيبك هتكون فرصتك في الاختيار أفضل
فتابع معايا في الاخر هقول شوية معايير اكتسبتها بواقع اللف و الدوران وسؤال الكثير من النواب إزاي اختاروا تخصصهم
- لو ترتيبك مش مساعدك يبقي أمرك لله استني اللي يتبقي وساعتها فكر إيه اللي يناسبك منه و طبعا أوعي تختار حاجة إنت عارف إنك من المستحيل قدراتك تقدر تغطيها .
- لو هتتوزع طبقا لوزارة الصحة فربنا يعينك و أوعي تفقد الأمل فكتير من الأطباء المشهورين لم يكونوا تبع كادر الجامعة و تفوقوا مثال علي كده الدكتور مجدي يعقوب أشهر جراح قلب و صدر بس المهم إنك ما تفقدش الأمل و ياخدك التيار في وجهه و تصبح من عامة الشعب يعني تعرفلك كلمتين تشتغل بيهم وبعد كده محلك سر ده طبعا لو عرفت كلمتين ليهم علاقة بالطب أصلا
عشان كده لازم تحدد بالضبط التخصص اللي يناسبك و تحبه و لازم رؤيتك للمستقبل تكون واضحة و عارف إنت هتروح فين في الخطوة اللي بعد كدة
نكمل باقي العوامل اللي هتحدد اختيارك لتخصص

- في ناس أول ما تشوفك تقولك هل بتحب تتعامل مع الناس و لا لأه لو لأ فممكن تختار clinical pathology أوradiology أو تخدير

- طب في تخصص معين بتحبه من أيام الكلية و لا أنت راجل شطووووووووووور بتحب كل حاجة في الطب لو عاوز تخصص يلملك تخصصات كتير فعندك family medicine و إن شاء الله مستقبله هيكون كويس في السنوات القادمه
- طب لو بتحب المرضي و التعامل معاهم يبقي أسأل نفسك السؤال التاني هل بحب التدخل السريع و أشوف نتيجة علاجي بسرعة و لا ممكن أنتظر و أدي علاج و بعدين أستني نتيجته
بمعني آخر عاوز بطنات و لا جراحات
و لا عاوز حاجة في النص يعني فيها جراحة و فيها باطنة

- طب هل أنت شعلة نشاط و تتحمل التعب و المجهود و الضغط النفسي ممكن تاخد جراحة عامة و لا نص نص خد جراحة تخصصية و لا ما بتحبش المجهود أساسا

- شوف الناس اللي في القسم اللي هتقضي فيه أول فترة من عمرك من نواب و غيرهم هل كويسين و هتتعلم منهم كويس و أخلاقهم عاملة إيه و هل تناسبك

- مستقبل القسم اللي اختارته يعني لحد فين هتتعلم منهم عشان بعد كده تكمل طموحك في مكان تاني بمعني أخر هل عندهم العلم الكافي اللي يرفع مستواك عشان تكمل بعد كده في الخارج أو تاخد زمالة أو تعمل معادلة

- طبعا طموحك لازم يكون خارج مصرعشان تكون طبيب متميز يعني بعد كده ناوي تعمل إيه تاخد زمالة و لا تعمل معادلة و لا ناوي علي إيه بالظبط

- أكيد كتير بيفكر هل هيكسب كويس من التخصص ده و لا لأه و أنا بقولهم دي مسألة رزق فمش شرط مثلا تكون دكتور نسا و توليد عشان تشتغل كتير أوي أهم حاجة نيتك في التخصص إنه يكون إرضاء لله و إنك تبذل قصاري جهدك لتخدم المسلمين في هذا التخصص

- هل هذا المجال يوافق قدراتك الذهنيه يعني هل بتحبه و بتلاقي نفسك فيه و ممكن تبتكر فيه و تبدع


بس هو ده كل اللي عندي و أحب في الاخر أختم بشوية نصايح مهمة جدا


- نيتك في اختيار التخصص تكون لله و تأكد إن ربنا هيعينك و يوفقك لو دي هيا نيتك

- أسأل كل من تتوسم فيهم الخير من الأطباء و النواب كيف اختاروا تخصصهم و كيف يناسبهم و كل ما تريد معرفته عن هذا التخصص

- قضاء يوم كامل أو أكثر مع الطبيب أو النائب في القسم اللي تريده و تري كل شيء علي الطبيعة

- أسأل علي جميع المستويات يعني من نائب القسم إلي رئيس القسم في التخصص الذي تريدة و مدي اقتناع كل منهم بصحة اختيارة لتخصصه

- لا تستمع للاخرين عندما يقولون لك أنت تنفع في كذا فأنت وحدك الذي تعرف ما يناسبك و اختر تخصصك عن قناعة تامة دون تدخل أحد

- لا تسأل ما هو أحسن تخصص لأن كل من ستسأله سيجيبك أن تخصصه هو أفضل تخصص و لكن أفضل تخصص هو الذي يناسبك أنت

- استخير ربنا و اعلم أن الاستخارة تأتي بالخير دائما



هيه دي المعايير اللي علي أساسها أخترت تخصصي و يارب أكون قدرت أفيدكم بمعلوماتي الضئيلة و لكن هي من واقع تجربة و سؤال الكثير و الكثير من الأطباء كيف اختاروا تخصصهم

أرجو منكم أن تدعوا لي أن يوفقني الله لأختيار التخصص الذي يناسبني و أستطيع إرضاء الله من خلاله


منقول عن منتدى كل الطب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mezo.3oloum.org
 
كيف تختار التخصص
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أطباء الإمتياز :: حكاوى طبية :: دردشة طبية-
انتقل الى: